Tui si hdră, knăm mđup brei klei pah mni Diên hồng srăng mkŏ mjing hlăm hrue 9/6 ti Sang dhar kreh hgŭm mbĭt Việt Xô. Anei jing klei năng mđing hĭn êdi kơ klei bi kƀĭn tal sa mơ̆ng Êpul gơ̆ng bruă brei puăng bi lông mâo mkŏ mjing tlam anei ti sang bruă kƀĭn ala. Anei jing klei bi lông hră klei mrâo prŏng êdi hŏng anôk bruă mkŏ mjing hdră bhiăn, mâo leh lu phung khua kiă kriê bruă kƀĭn ala mđing êdi.

klei bi lông anei mâo leh lu phung ngă bruă klei mrâo čih bi lông. Yap mơ̆ng hrue mtrŭt mjhar jing hrue 30/4, Êpul mkŏ mjing mâo tŭ mă leh truh êbeh 3.000 klei čih ba bi lông. Jih jang klei ba bi lông mâo mbha gưl, mbha hnơ̆ng pioh kơ bruă brei puăng bi lông, adŭ bruă kƀĭn ala srăng mđup brei klei pah mni, hră tŭ yap klei pah mni, lehanăn mâo wăt hră bi mni bruă klei mrâo mâo mă klei pah mni./.