VOV4.Êđê- Anôk bruă kahan ksiêm êlan klông brei thâo, hlăm 4 hruê mdei bi hdơr hruê mkŏ mjing ala čar 2/9 (mơ̆ng hruê 01/9 – 04/9) êpul kahan ksiêm hlăm êlan klông dưi hmao ƀuh leh anăn ƀuah mkra êbeh 40.000 klei ngă soh hlăm hlăm êlan klông, đŭ prăk êbeh 60 êklai prăk. Hlăm 4 hruê mdei mâo 79 klei bi drăm êdeh êdâo, ngă kơ 48 čô djiê, 51 čô êka.

Hlăm klei ngă bruă rơ̆ng klei êđăp ênang hlăm êlan klông, Êpul kahan ksiêm êlan klông hlăm kluôm ala mâo leh klei ksiêm dlăng, hmao ƀuh, ƀuăh mkra êbeh 40.000 klei ngă soh, đŭ prăk êbeh 60 êklai prăk, mă kơ̆ng 941 boh êdeh ôtô, 12.700 êdeh điêt, mă êbeh 6000 hră djă êdeh dŭm mta. Knŏng klei ngă soh mnăm kpiê sei djă mgăt êdeh, êpul kahan ksiêm êlan klông ƀuah mkra leh êbeh 8.800 klei ngă soh, đru prăk giăm 40 êklai prăk. Hlăm kdrăp ksiêm dlăng mơ̆ng dŭm êpul ksiêm dlăng êlan dơ̆ng pral hmao ƀuh leh anăn buah mkra êbeh 1.593 klei ngă soh.

Pô mblang: Y-Ƀel Êban