Êpul mtrŭt mjharr bruă lŏ hma hlăm yang ƀuôn, mđrăm mbĭt leh hŏng ƀĭng ngă lŏ hma, bi hgŭm duh mkra mnia mblei. Anei jing boh mơ̆ng phŭn bruă lŏ hma mâo bi êdah ti anôk bi kƀĭn ksiêm wĭt 2 thŭn ngă bruă anei mơ̆ng êpul hgŭm mtrŭt mjhar bruă lŏ hma mkŏ mjing hlăm ƀuôn sang. Dưi mkŏ mjing hlăm hrue mbrue 2/8, ti ƀuôn prŏng Pleiku – čar Gia Lai. 

2 thŭn leh êgao, êbeh 5000 êpul đru mđĭ ai bruă lŏ hma mkŏ mjing leh dŭm boh adŭ mjuăt bi hriăm, ngă hlăm 14 mta bruă kơ bruă lŏ hma. Mơ̆ng anăn, đru leh kơ krĭng bi mguôp duh mkra pla mjing mâo djăp mnơ̆ng pioh čhĭ kơ ala tač êngao mâo 500 héc-ta mdiê, 300 héc-ta ana boh kroh, 150 héc-ta cà phê ti lu čar ƀuôn prŏng. Ăt hlăm 2 thŭn êgao, êpul hgŭm đru kčĕ kơ bruă lŏ hma mâo mkŏ mjing leh truh 46 klei bi hgŭm hrui blei boh mnga mơ̆ng 2.100 čô phung pla mdiê lŏ, lehanăn mâo hdră êlan hrui blei boh mnga dŭm čar kwar krah./.