VOV4.Êđê- Hruê 12/5, Knơ̆ng bruă mnuih ngă bruă, kahan êka êkeh lehanăn yang ƀuôn bi hgŭm hŏng bruă Đoàn čar Kon Tum mkŏ mjing Hruê mă bruă thŭn 2022 kơ mnuih mă bruă alŭ wăl. Mo êbeh 750 čô mnuih mă âbruă, sinh viên, mnuih ruê̆ hriăm kahan, phung đoàn viên, êdam êra nao hgŭm. Hlăm ênoh anei mâo 570 čô mnuih mă bruă mâo êpul êya ngă bruă ruah mŭt mă bruă lehanăn ênoh mnuih dưi ruah truh giăm 20%.

Hlăm hruê, Anôk mkŏ mjing ăt ruah giăm 60 čô mnuih nao mă bruă ti Bình Dương. Êngao anăn, mâo 8 čô mnuih mă bruă mâo klei găl dưi nao mă bruă ti Đài Loan. Hlăm hruê mă bruă, mâo 49 anôk bruă duih mkra bi mklă ruah êbeh 5.200 čô mnuih mă ƀruă hlăm, êngao čar lehanăn mă bruă ti ala tač êngao hluê si klei kuôl kă. Mbĭt anăn, dua boh sang hră gưl kreh ăt hrŏng ruah phung hđeh hriăm hră thŭn 2022- 2023 hŏng êbeh 3.000 čô./.

                                                    Pô mblang: H’Nêč Êñuôl