VOV4.Êđê- Klei ruă tưp hmăi amâo mâo jăk hlăm klei mă bruă knuă, hŏng mnuih ngă bruă, ƀiădah leh tết, jih jang mnuih ngă bruă lŏ wĭt mă bruă djŏ hŏng hrue kčah. Klah čŭn pral hlăm kluôm ala brei ƀuh, mâo êbeh 90% ênoh mnuih ngă bruă hlăm kluôm ala lŏ wĭt mă bruă leh ruĕ tết. Lu anôk duh mkra lŏ mă bruă leh mtam, pŏk klei trŭn kơ bruă mơ̆ng hrue 5 tết. Dŭm adôk lu bi trŭn kơ bruă hlăm hrue 7 lehanăn 8 tết. Ti čar Bình Dương, phung duh mkra drông leh mnuih ngă bruă pô mơ̆ng hrue 7 tết, 8 tết. Hlue anăn hnơ̆ng ênoh mnuih ngă bruă lŏ wĭt ngă bruă leh ruĕ tết djŏ hrue kčah jing lu, knŏng bi kpleh mơ̆ng 80 – 90%. Ti dŭm alŭ wăl mâo anôk duh mkra prŏng msĕ si: Đồng Nai, ƀuôn prŏng Hồ Chí Minh, hnơ̆ng ênoh mnuih ngă bruă lŏ wĭt mă bruă ăt gŭ dlông 90%. Ti Hà Nội, tui si klei bi klin mơ̆ng Êpul hgŭm mnuih ngă bruă ƀuôn prŏng: Tĭng truh hrue 7/2 êbeh 90% anôk duh mkra mâo pŏk anôk ngă bruă čiăng mă bruă hŏng êbeh 90% ênoh mnuih ngă bruă lŏ wĭt mă bruă leh./.

Pô mblang: Y-Khem Niê