Dak Lak jing sa hlăm 12 čar, ƀuôn prŏng, mâo Phŭn bruă kahan ksiêm ruah jing alŭ wăl mkŏ mjing knăm ba mdah hlăm lăn čar. Ti čar Dak Lak mâo êbeh 9.000 čô mnuih ƀuôn sang nao hgŭm hlăm êpul răng mgang klei êđăp ênang nah gŭ mơ̆ng hruê 1/7.

Nao hlăm knăm ba mdah êpul anei ti Dak Lak, Trung tướng Lê Quốc Hùng- k’iăng khua phŭn bruă kahan ksiêm mñă klă klei yuôm bhăn mơ̆ng alŭ wăl Dak Lak – krĭng Lăn Dap Kngư leh anăn klei yuôm bhăn mơ̆ng bruă klam răng mgang klei êđăp ênang nah gŭ, đru rơ̆ng kjăp klei êđăp ênang mnuih ƀuôn sang, hdră jih jang mnuih ƀuôn sang răng mgang klei êđăp ênang lăn čar. K’iăng khua phŭn bruă kahan ksiêm Lê Quốc Hùng mñă ktang đa đa bruă klam hŏng êpul răng mgang klei êđăp ênang nah gŭ leh anăn dŭm gưl dhar bruă ti čar Dak Lak.