Bruă mkra êlan dar dhŭng ƀuôn prŏng Bảo Lộc (Lâm Đồng) jing bruă lŏ mbŏ kơ klei bi kơrŭ klei mkra mjing êlan dơ̆ng mrô 20 găn dua boh čar Đồng Nai lehanăn Lâm Đồng hlue hŏng hdră BT (rŭ mkra – Ba jao). Anôk dôk mkra mjing mâo boh taih truh 15km hŏng ênoh bi liê êbeh 720 êklai prăk, rŭ mkra leh mơ̆ng hlăk mlan 2/2017.

Leh mâo mkra truh 70% hnơ̆ng bruă knuă, ƀiădah mdei hĕ êjai mơ̆ng knhal jih thŭn 2020 kyua kƀah prăk, tĭng jing êbeh 183 êklai prăk kơh srăng djăp bruă mkra êlan. Khădah čar lŏ bi liê leh prăk mơ̆ng čar ƀiădah ăt dôk kpăk gun hŏng lu mta klei snăn jih jang bruă mkra mjing mdei hĕ ka dưi lŏ mă bruă ôh, ngă kơ êlan jhat rai, luič liê lu./.