Phạm Ngọc Nghị, Khua knơ̆ng bră sang čư̆ êa čar daklak brei thâo, êjai mă bruă tuôm hŏng klei kƀah prăk, čar mâo leh hdră êlan bi tư̆ hdui ngăn prăk duh bi liê mơ̆ng 1.509 êklai prăk đĭ truh 1.841 êklai prăk, lŏ thiăm truh 332 êklai prăk. Ênoh prăk anăn jing djăp kơ bruă ruh mgaih anôk ala, ƀiădah truh kơ ară anei bruă knuă ăt dôk êmưt.

Klei anei brei ƀuh, dŭm anôk bruă êpul êya ka ngă bruă hŏng jih ai tiê ôh. Khua knơ̆ng bruă sang čư̆ êa čar mtă kơ dŭm knơ̆ng dhar bruă, čŏng ngă mtam bi leh bruă pô. Hlăm anăn, pô djă akŏ brei mâo bruă klam hĭn, mtrŭt gưl nah gŭ. Boh nik hlăm bruă ruh mgaih anôk ala, kyua êmưt snăn brei ngă hŏng klei pral, kñăm bi leh bruă knuă djŏ hŏng hdră kčah./.