Ti dŭm anôk anei, mnuih ƀuôn sang Dak Lak bi êdah klei đăo knang lehanăn čang hmăng hlăm dŭm hdră mtrŭn mtrŭt mđĭ kyar bruă duh mkra – ala ƀuôn, hdră msir hgao klei dleh dlan ară anei mơ̆ng Knŭk kna, mơ̆ng Anôk bruă kƀĭn ala. Mnuih ƀuôn sang čar Dak Lak hưn mdah leh klei blŭ, klei akâo čiăng djŏ tuôm kơ hdră mtrŭn hŏng phung knuă druh nah gŭ, bruă kriê dlăng lăn ala, mkra mđĭ êlan klông, bruă ngă hră mơar knŭk kna…

Mđing hmư̆ klei blŭ mnuih ƀuôn sang, Êpul bi ala anôk bruă kƀĭn ala čar Dak Lak mtă kơ phung bi ala dŭm knơ̆ng, dhar bruă lehanăn bruă knŭk kna alŭ wăl wĭt lač leh lu klei êmuh, mbĭt anăn bi mklin klei blŭ ba mơĭt kơ Anôk bruă kƀĭn ala mbĭt hŏng dŭm Phŭn, dhar bruă mâo klei dưi./.