VOV4.Êđê - Hruê mbruê 27/4, êpul bi ala bruă kƀĭn ala čar Dak Lak mkŏ mjing leh klei kƀĭn trông bi tuôm hŏng phung bi ala ti anăp klei kƀĭn tal 3, bruă kƀĭn ala gưl 15. Hlăm anôk bi tuôm, êpul bi ala bruă kƀĭn ala čar Dak Lak hâo hưn leh hŏng phung bi ala mta phŭn hlăm hdră mĭn tĭng hlăm klei kƀĭn gưl tal 3 leh anăn mđing hmư̆ klei blŭ klei bi êdah mơ̆ng phung bi ala mơĭt kơ bruă kƀĭn ala gưl tal anei.

Hlăm klei kƀĭn trông, phung bi ala uêñ mĭn leh anăn bi êdah lu mta klei djŏ tuôm hŏng bruă krŭ wĭt leh anăn đĭ kyar bruă duh mkra – ala ƀuôn, ba mdah dŭm hdră êlan kmeh gơ̆ng čiăng bi hơĭt ênoh mnơ̆ng dhơ̆ng, anôk mnia mblei leh anăn đru ruh mgaih klei dleh dlan kơ bruă mkra mjing, mnia mblei mơ̆ng knơ̆ng bruă leh anăn mnuih ƀuôn sang leh klei hmăi kjham kyua klei ruă tưp Covid-19.

Y-Ƀel pô mblang