VOV4.Êđê- Hlăm 2 hruê 20 leh anăn 21/9, Êpul bi ala bruă kƀĭn ala čar Dak Nông ngă leh dŭm klei bi tuôm hŏng phung bi ala ti dŭm să Nâm N’Jang (kdriêk Dak Song), să Quảng Tâm (kdriêk Tuy Đức), să Quảng Phú (kdriêk Krông Knô) leh anăn să Quảng Sơn (kdriêk Đăk Glong) êlâo kơ klei kƀĭn tal 4, bruă kƀĭn ala gưl 15.

Hlăm dŭm anôk bi tuôm, phung bi ala bruă kƀĭn ala ti čar Dak Nông hưn leh kơ hdră klei kƀĭn tal 4, bruă kƀĭn ala gưl 15 mĭn tĭng srăng mkŏ mjing ti mlan 10 kơ anăp, srăng ksiêm dlăng lu mta phŭn, hdră klei bhiăn, hlăm anăn mâo dŭm klei bhiăn djŏ tuôm hŏng klwi hdĭp mnuih ƀuôn sang. Anăn jing dŭm klei bhiăn êngiê nah gŭ, klei bhiăn yua lăn mkra mlih, klei bhiăn răng mgang phung ba yua, klei bhiăn êpul bi mguôp.

 Phung bi ala Dak Nông ăt hưn lu boh klei hlăm alŭ wăl, lu jing klei dleh kpăk hlăm klei yua lăn, răng mgang dliê, klei ngă hră mơar êmưt. Boh nik hlăm bruă lŏ hma, phung bi akâo kơ hdră tă đru kơ ƀĭng ngă lŏ hma tlaih mơ̆ng klei “mâo boh amâo mâo ênoh”, “koh- pla, pla koh”.

Pô mblang: Y-Ƀel Êban