Êpul bi ala bruă kƀĭn ala čar Daklak bi tuôm hŏng mnuih ƀuôn sang kơ dŭm bruă truăn êlâo kơ anôk bruă kƀĭn ala bi kƀĭn tal 5, gưl XV
Thứ ba, 10:03, 09/05/2023
VOV TAYNGUYEN
VOV TAYNGUYEN
VOV4.Êđê- Tlam mbrue 8/5, Êpul bi ala bruă kƀĭn ala čar Daklak mkŏ mjing leh klei bi kƀĭn hŏng mnuih ƀuôn sang mă klei blŭ kơ klei čih mkra hdră bhiăn lăn ala lŏ mlih mrâo êlâo kơ klei bi kƀĭn tal 5, gưl XV.
Ti anôk bi tuôm, Đinh Văn Khiết, K’iăng khua knơ̆ng bruă sang čư̆ êa čar Daklak êlâo dih lač, dŭm klei bi mlih hlăm bruă čih mkra hdră bhiăn klei kơ lăn ala srăng bi sa hnơ̆ng, ba wĭt klei tŭ dưn hĭn kơ bruă čuăl mnkă lehanăn klei djă yua lăn.
Ƀiădah hŏng alŭ wăl Lăn Dap kngư, krĭng mnuih djuê ƀiă hdĭp mda, klei bhiăn anei năng bi klă mngač hĭn kơ bruă mkăp hră lăn kơ mnuih ƀuôn sang, ba djă yua lăn hŏng klei tŭ dưn, lehanăn bi mâo bruă đua klam hlăm klei djă yua lăn. Ăt ti anôk bi kƀĭn mâo lu phung ƀuôn sang akâo bi mngač hĭn kơ bruă mâo dŭm anôk mơ̆ng đang lŏ hma, dliê kyâo kiă kriê, ƀiădah mnuih ƀuôn sang dôk yua, rpơ̆ng bi mâo klei tŭ dưn kơ dua nah./.
Viết bình luận