Ti dŭm alŭ wăl anăn, klei mnuih ƀuôn sang mâo klei mđing hĭn jing kơ klei êđăp ênang bruă kđi čar, leh anăn yang ƀuyôn, boh nik leh boh klei rŭng răng ti kdriêk Čư̆ Kuiñ, čar Daklak. Mnuih ƀuôn sang bi lač, leh boh klei anăn truh, snăn dŭm dhar bruă djŏ tuôm lehanăn bruă sang čư̆ êa mghaih msir hŏng klei pral, mâo leh klei hơĭt hai tiê, lehanăn klei mnuih ƀuôn sang đăo knang.

Khădah klei anei truh jing msĕ si klei jhat, mă klei hriăm kơ klei brei mâo klei thâo răng, brei mâo klei thâo bi mguôp jih jang djuê ana. Čih pioh lehanăn bi myuôm klei blŭ mơ̆ng mnuih ƀuôn sang, êpul bi ala bruă kƀĭn ala čar Daklak mtă leh kơ dŭm anôk bruă mâo klei dưi, lehanăn alŭ wăl wĭt lač. Hŏng dŭm mta bruă mkăn, êpul srăng bi klin ba truh kơ anôk bruă kƀĭn ala, kơ knŭk kna hlăm dŭm klei bi kƀĭn tinăp./.