VOV4.Êđê- Hrue mbrue (10/10), Êpul bi ala bruă kƀĭn ala čar Daklak bi tuôm leh hŏng phung bi ala kơ mnuih ƀuôn sang êlâo kơ klei bi kƀĭn tal 4, Bruă kƀĭn ala gưl 15 ti dŭm kdriêk Krông Ana; Čư̆ Kuiñ, Êa Sup, leh anăn kdriêk Ƀuôn Đon. Djŏ tuôm kơ lu klei hdĭp mda ala ƀuôn mâo phung bi ala akâo leh kơbruă kƀĭn ala. Ti anôk bi tuôm, Êpul bi ala bruă kƀĭn ala čar Daklak mâo leh klei hưn mthâo hŏng phung ƀuôn sang jih jang boh klei bi kƀĭn tal 4, lehanăn mđing hmư̆ klei blŭ mơ̆ng phung ƀuôn sang mơĭt kơ anôk bruă kƀĭn ala. lač kơ bruă duh mkra čar Daklak lŏ mđĭ hĭn bruă bi hơĭt ênoh ênil, klei bi mnia mblei, lehanăn đru ruh mgaih klei dleh dlan hlăm bruă duh mkra mnia mblei.

Êpul bi ala bruă kƀĭn ala čar Daklak bi tuôm hŏng phung bi ala kơ mnuih ƀuôn sang kdriêk Krông Ana

Čih pioh jih jang klei phung bi ala kơ mnuih ƀuôn sang akâo, êpul bi ala bruă kƀĭn ala čar Daklak mtă leh kơ dŭm dhar bruă djŏ tuôm lehanăn alŭ wăl hlak mblang. Hŏng dŭm mta bruă mkăn, êpul srăng bi klin, ba kơ anôk bi kƀĭn bruă kƀĭn ala, kơ knŭk kna, lehanăn dŭm phŭn dhar bruă ksiêm dlăng ti anôk bi kƀĭn tinăp./.

Pô mblang: Y-Khem Niê