Ti ƀuôn prŏng phŭn Bắc Kinh, Êpul mâo leh klei bi trông hŏng Êpul bi ala Đảng Cộng sản China mâo Khua hlăm Phŭn bruă kđi čar, Khua Knơ̆ng bruă ksiêm dlăng ƀuah mkra gưl dlông Đảng Cộng sản China Lý Hy ngă khua êpul.

Hlăm klei bi trông, Khua Knơ̆ng bruă ksiêm dlăng gưl dlông Trần Cẩm Tú lač, Việt Nam dlăng myuôm leh anăn mđing mđĭ kyar klei bi hgŭm hŏng China, srăng mbĭt hŏng Đảng leh anăn Knŭk kna China mđĭ klei bi hgŭm kluôm Việt Nam-China mŭt hlăm wưng đĭ kyar mrâo hŏng klei đăo knang kđi čar lu hĭn, bi hgŭm răng mgang klei êđăp ênang klă sĭt hĭn, êlam hĭn, mjing tur knơ̆ng kjăp, bi hgŭm hlăm dŭm klei bi kƀĭn lu tĭng kjăp hĭn, dŭm bruă amâo thâo bi djŏ dưi ktuê dlăng leh anăn msir mgaih jăk hĭn mơ̆ng tur knơ̆ng thâo săng gưl dlông leh anăn djŏ guôp hŏng klei bhiăn lu ala čar./.