Hdră anei dôk hlăm Hdră bi mjĕ mjuk plah wah Dhar bruă Mặt trận Việt Nam hŏng Êpul bi ala gưl dlông China. Đĭ mran hiu čhưn dlăng Kplang Hạ Long, phung bi ala Dhar bruă Mặt trận Việt Nam hŏng Êpul bi ala gưl dlông China, Dhar bruă mặt trận mơ̆ng 7 čar mâo êlan knông lăn mbĭt hŏng Êpul bi ala gưl dlông mơ̆ng 2 čar/krĭng čŏng kriê dlăng mơ̆ng China nao čhưn dlăng leh klei jăk siam, h’ĭt ênang mơ̆ng Knhuah gru lăn mnga êa siam tar rŏng lăn.

Hô̆ mran nao găn leh dŭm plao siam bi êdah kơ krĭng Kplang Hạ Long, êdah kdlưn jing Boh tâo Trống Mái, Đỉnh Hương, phung bi ala mơ̆ng China bi êdah klei bi kngăr mơ̆ng klei siam mơ̆ng Kplang Hạ Long mbĭt hŏng klei jĕ giăm, khăp kơ tuê mơ̆ng mnuih Quảng Ninh.