Klei kƀĭn trông dưi mkŏ mjing kñăm mđing hmư̆ klei blŭ mbguôp hlăm 2 hdră hưn mdah jing bruă ksiêm wĭt bruă mkŏ mjing Đảng 5 thŭn (2021 – 2025) leh anăn hdră hưn mdah ksiêm wĭt 15 thŭn hluê ngă hdră bhiăn Đảng. Kyuanăn, Êpul bruă hmăng hmưi klei bi trông mâo klei êngiê, mâo klei sa ai, boh nik hlăm dŭm boh klei mrâo, boh klei dleh hlăm boh sĭt.

Mơ̆ng anăn, đru mguôp, mkŏ mjing klei sa ai hlăm klei mĭn, hdră êlan mơ̆ng Đảng kơ klei mđĭ kyar lăn čar wưng thŭn 2026 – 2030, hdră tă truh ti thŭn 2045, đru lŏ bi mbŏ, mđĭ klei thâo sang klei hlăk mblang mơ̆ng Đảng kơ hdră êlan yang ƀuôn ngă phŭn ti lăn čar drei. Hlăm klei kƀĭn trông, pô bi ala êpul khua bruă Đảng dŭm čar krĭng Lăn Dăp Kngư mâo klei blŭ mguôp tŭ dưn kčưm mơ̆ng boh sĭt mơ̆ng grăp alŭ wăl.