VOV4.Êđê- Aguah mbrue (11/1), ti Hà Nội Êpul ngă bruă hŏng tač êngao mơ̆ng Gưl dlông mkŏ mjing leh klei bi kƀĭn ksiêm wĭt bruă thŭn 2021 lehanăn hlue ngă bruă kơ thŭn 2022. Hlăm thŭn leh êgao, khădah tuôm hŏng lu klei dleh dlan hlăm jih jang bruă hŏng tač êngao, ƀiădah dhar bruă anei ăt bi leh jăk djăp bruă čuăn tui si bruă pô. Thŭn 2022, Êpul bruă hŏng tač êngao Gưl dlông bi klă leh bruă kđĭ čar yuôm bhăn tal êlâo jing hlue nga asăp mtrŭn mrô 32 wưng thŭn 2021 – 2025 mơ̆ng Êpul kiă kriê bruă Đảng gưl dlông bi klă leh. Asăp mtrŭn mơ̆ng Êpul khua kiă kriê kơ klei mă bruă hŏng tač êngao mơ̆ng yang ƀuôn mđĭ hĭng klei tŭ dưn jing kmeh gơ̆ng kơ bruă Đảng lehanăn phung ƀuôn sang bi mguôp hŏng tač êngao. Êpul bruă srăng lŏ mđĭ hĭn hdră êlan ngă bruă, hlăm klei kăp kčĕ kơ bruă mkŏ mjing dŭm klei mă bruă hŏng tač êngao mơ̆ng phung khua kiă kriê knơ̆ng, lehanăn gưl dlông hlăm Đảng, đru kčĕ brei kơ jih hdră êlan bi mguôp hŏng tač êngao kơ ya mta jing boh phŭn./.

Pô mblang: Y-Khem Niê