VOV4.Êđê - Tlam hruê 9/2, Khua lăn čar Nguyễn Xuân Phúc mrâo bi mklă mđup brei Medai ngă bruă kơ Êpul čưng boh mniê ala čar, Khua mjuăt bi hriăm êpul čưng boh mbĭt hŏng phung čưng boh hlăm Êpul mâo leh boh tŭ êdah êdi ba êpul čưng boh mniê gưl tal êlâo hlăm hƀuê ênuk nao hlăm tuôr bi lông knhal tuič klei bi lông čưng boh mniê tar rŏng lăn (World Cup) 2023 mŏng Êpul hgŭm phung čưng boh tar rŏng lăn. Êlâo anăn, leh êpul čưng boh mniê ala čar mâo mă klei tŭ dưi anăp êpul Thái Lan hlăm hruê 2 Têt Nhâm Dần lehanăn dưi ti anăp êpul Đài Bắc Trung Hoa hlăm hruê 6 Têt mrâo êgao, Khua lăn čar Nguyễn Xuân Phúc m’ĭt leh hră bi mni kơ êpul čưng boh lehanăn Khua mjuăt bi hriăm êpul čưng boh Mai Đức Chung. Ăt hlăm hruê, Khua lăn čar mtă kơ phung khua kiă kriê Phŭn bruă Dhar kreh, Mjuăt ktang asei mlei lehanăn hiu čhưn ênguê mbĭt hŏng êpul bi lông -pah mni gưl dlông hluê ngă pral hră m’ar, djŏ hdră kčah pral mđup brei klei pah mni kơ êpul lehanăn Khua mjuăt bi hriăm êpul čưng boh wăt êkei lehanăn mniê mâo leh boh tŭ êdah êdi hlăm klei bi lông./.

H’Nêč pô mblang