Anei jing bruă ngă klă klơ̆ng mơ̆ng phung mda asei Việt Nam kñăm bi êdah bruă klam phung mda asei hŏng klei dưi yuôm bhăn mơ̆ng čar kwar. Knăm pŏk ngă dưi mkŏ online hŏng 10 anôk gưl dlông ti 10 čar, ƀuôn prŏng hlăm kluôm ala. Ti knăm pŏk ngă, 1.300 čô êdam êra, hđeh sang hră ƀuôn prŏng Đà Nẵng mdah dăp pruê̆ rup hla kak Việt Nam.

Klei mtrŭt mjhar “Ktưn hưn sa lăn êa čư̆ čhiăng” pŏk ngă kñăm mđĭ klei mtô bi hriăm klei khăp kơ ala čar, klei thâo săng kơ klei dưi ala čar, djuê ana; hâo hưn, mkŏ mjing êpul êdam êra, hđeh điêt yuôl hla kak Việt Nam ti anôk hriăm hră, mă bruă. Gưl anei, Êpul êdam êra gưl dlông Hồ Chí Minh mđup brei 20 jar hla kak (hnơ̆ng A1) kơ phung bi ala kơ mnuih ƀuôn sang trah mă kan, êpul lĭng kahan răng mgang knông lăn, êdam êra, phung mă bruă, nai mtô… leh anăn 50 êbâo hla kak (hnơ̆ng A0) kơ dŭm bruă êdam êra čar, ƀuôn prŏng leh anăn 5000 hla kak kơ bruă êdam êra ƀuôn prŏng Đà Nẵng./.