VOV4.Êđê- Aguah 11/10, Êpul gơ̆ng bruă ƀuôn sang ƀuôn prŏng Hồ Chí Minh gưl X mkŏ mjing klei bi kƀĭn tal 7 (klei bi kƀĭn thơ̆ng kơ bruă) čiăng ksiêm dlăng, bi mklă dŭm boh phŭn hlăm klei dưi, mjêč, yuôm bhăn kñăm hlue ngă bruă klam mđĭ kyar bruă duh mkra- ala ƀuôn thŭn 2022 leh anăn dŭm thŭn kơ anăp.

Hlăm klei bi kƀĭn anei, Êpul gơ̆ng ƀuôn sang ƀuôn prŏng Hồ Chí Minh brei klei blŭ mguôp, bi trông ksiêm dlăng 13 hră čih hdră mtrŭn msĕ si: Hdră êlan mdê hjăn đru prăk hriăm hră kơ hđeh điêt, hđeh sang hră, hdră kčah hnơ̆ng prăk hriăm hră thŭn 2022-2023 leh anăn dŭm thŭn kơ anăp ti alŭ wăl; hdră êlan duh bi liê, hdră mtrŭn mkra mlih duh bi liê dŭm hdră bruă knŭk kna; mkra mlih Hdră kčah duh bi liê wưng man dưn 2021-2025 leh anăn thŭn 2022; mkra mlih hră mĭn tĭng prăk knŭk kna thŭn 2022. Ăt hlăm klei bi kƀĭn anei, phung bi ala Êpul gơ̆ng bruă ƀuôn sang ƀuôn prŏng ruah leh Bùi Xuân Cường, Khua  Anôk bruă krie dlăng Êlan êdeh treng ƀuôn prŏng Hồ Chí Minh ngă K’iăng Khua Knơ̆ng bruă sang čư̆ êa ƀuôn prŏng Hồ Chí Minh, wưng thŭn 2021-2026.

Pô mblang: H’Zawut Ƀuôn Yă