Wưng thŭn 2021 - 2026, Êpul gơ̆ng bruă ƀuôn sang čar Dak Lak ngă bruă hlăm wưng mkŏ dăp, bi mŭt anôk bruă Knŭk kna gưl čar, hŏng lu klei čuăn mrâo kơ klei mkŏ mjing leh anăn hdră ngă bruă. Hlăm wưng păn bruă, ba mdah leh giăm 1000 hdră mtrŭn hlăm dŭm mta bruă. Dŭm hdră mtrŭn ƀrư̆ hruê ƀrư̆ dưi mđĭ hĭn, klă hŏng boh sĭt, hmao bi klă dŭm hdră mtrŭn  mơ̆ng gưl dlông leh anăn bruă Đảng čar.

Hlăm klei kƀĭn trông, Lương Nguyễn Minh Triết, khua bruă Đảng čar Dak Lak čih yap leh anăn bi mni dŭm boh tŭ dưn yuôm bhăn mơ̆ng Êpul gơ̆ng bruă ƀuôn sang čar dưi mâo leh hlăm wưng păn bruă êgao. Mbĭt anăn mñă kơ Êpul gơ̆ng bruă ƀuôn sang lŏ dơ̆ng mlih mrâo, mđĭ hnơ̆ng jăk klei ngă bruă, bi lar bruă klam anôk bruă mnuih ƀuôn sang ruah, bi mâo djăp klei čuăn đĭ kyar mơ̆ng alŭ wăl hlăm wưng mrâo.