Hlăm gưl kƀĭn, khua gĭt gai dŭm knơ̆ng, dhar bruă bi trông, hlăk mblang, mđing hmư̆ đa đa mta phŭn djŏ tuôm hŏng dŭm hdră êlan rơ̆ng kơ hnơ̆ng čuăn mđĭ kyar bruă duh mkra mâo mơ̆ng 6 – 6,8%, hnư knŭk kna hrui wĭt mâo 8.500 êklai prăk hlăm thŭn 2024.

Dŭm hdră êlan mđĭ kyar anôk bruă duh mkra, mkŏ mjing wăl jăk čiăng mtrŭt mđĭ dŭm mta bruă mkra mjing, mnia mblei, iêo jak klei duh bi liê kñăm mgaih msir bruă mă, iêô jăk mnuih mă bruă hnơ̆ng tŭ jăk, hdră êlan rơ̆ng kơ hnơ̆ng čuăn mkŏ mkra krĭng ƀuôn sang mrâo thŭn 2024, hdră êlan kriê dlăng, răng mgang dliê leh anăn mđĭ hnơ̆ng luôm êyui dliê hlăm wưng kơ anăp. Hlăm gưl kƀĭn anei, Êpul gơ̆ng bruă ƀuôn sang čar Dak Lak bi tŭ ư bi klă 36 hdră mtrŭn leh anăn hdră mtrŭn lu mta phŭn yuôm bhăn mkăn, mkŏ mjing tur knơ̆ng hdră bhiăn, boh kdrŭt čiăng mđĭ kyar bruă duh mkra ala ƀuôn thŭn 2024 leh anăn wưng thŭn 2021 – 2025.