VOV4.Êđê - Tlam mbrue (22/6), Êpul gơ̆ng bruă ƀuôn sang čar Daklak mkŏ mjing leh klei bi kƀĭn truăn kơ bruă tal 3, Êpul Gơ̆ng bruă ƀuôn sang čar Gưl 10, wưng păn bruă 2021 – 2026 mâo bi klă leh lu bruă yuôm bhăn, dôk hlăm hdră lŏ kơrŭ wĭt bruă duh mkra ala ƀuôn.

Ti anôk bi kƀĭn anei phung bi ala trông čhai, lehanăn mâo leh klei bi tŭ ư bi klă hdră mtrŭn klei duh bi liê kơ 8 mta bruă mâo ngăn prăk mơ̆ng gưl dlông, lehanăn dŭm hdră mtrŭn: Bi mlih hdră duh bi liê bruă rŭ mdơ̆ng ƀuôn prŏng mta dua ti Quảng Nam, Hà Tĩnh lehanăn Daklak, mâo mta bruă điêt ti ƀuôn prŏng Ƀuôn Ama Thuôt, mă klei blŭ kơ hdră êlan čiăng mkra mđĭ dŭm knơ̆ng kdơ̆ng êa. Blŭ bi ruĕ klei bi kƀĭn, Y-Wiñ Tơr, Khua Êpul Gơ̆ng bruă ƀuôn sang čar, Khua êpul bruă kƀĭn ala čar Daklak mtă hŏng 8 mta bruă pioh kơ klei kơrŭ wĭt bruă duh mkra, knơ̆ng bruă sang čư̆ êa čar pral kiă kriê dŭm knơ̆ng dhar bruă, alŭ wăl, phung duh mkra mprăp kơ jih jang hdră êlan mă bruă djŏ tuôm./.

Y-Khem pô mblang