VOV4.Êđê - Hrue mbrue (14/7), klei bi kƀĭn tal 4 Êpul Gơ̆ng Bruă ƀuôn sang čar Daklak gưl 10 trông čhai leh kơ lu bruă yuôm bhăn, čiăng hlue ngă bruă čuăn, mđĭ kyar klei duh mkra ala ƀuôn, bruă răng mgang klei êđăp ênang hlăm 6 mlan knhal jih thŭn, kơ djăp mta bruă djŏ tuôm hŏng klei hdĭp phung ƀuôn sang. Mơ̆ng klei bi trông, phung bi ala mâo leh klei bi tŭ ư kơ bruă hâo mdah hlue ngă leh hlăm 6 mlan akŏ 6 thŭn, lehanăn akâo mđĭ hĭng bruă ngă hră mơar hŏng klei ênưih, lehanăn pral, iêo jak phung duh mkra, mkra mđĭ êlan klông...

Kơ bruă lŏ hma, phung bi ala akâo kơ knơ̆ng bruă sang čư̆ êa čar lehanăn dŭm dhar bruă djŏ tuôm đru kơ bruă čhĭ boh durian kơ ala tač êngao. Hŏng ênhă truh 12 êbâo ha boh durian, grăp thŭn mâo êbeh 125 êbâo tôn, Daklak čiăng bi mâo sa hdră êlan tŭ dưn hlăm bruă mnia mblei hŏng ala tač êngao./.