Êpul gơ̆ng bruă ƀuôn sang Gia Lai tŭ ư hdră êlan bi mŭt kdriêk Đăk Pơ hlăm wăl krah An Khê
Thứ tư, 08:32, 31/07/2024
VOV Tây Nguyên
VOV Tây Nguyên
VOV4.Êđê- Aguah 30/7, hlăm klei bi kƀĭn tal 20 (hlue si akŏ) wưng 2021-2026, Êpul gơ̆ng bruă ƀuôn sang čar Gia Lai gưl XII bi mklă tŭ ư hdră êlan bi mŭt đa đa anôk bruă ngă hră mơar gưl să leh anăn gưl kdriêk wưng 2023-2025.
Hlăm klei bi kƀĭn, phung bi ala bi trông leh anăn bi mklă hdră mtrŭn tŭ ư hdră êlan bi mŭt kdriêk Đăk Pơ hlăm wăl krah An Khê êdei thŭn 2030, jing wăl krah An Khê. Hŏng gưl să, ti ƀuôn prŏng Pleiku, tŭ ư hdră êlan bi mŭt să Tân Sơn hlăm să Biển Hồ, mkŏ mjing anôk bruă ngă hră mơar mrâo jing să Biển Hồ.
Ti kdriêk Kbang, tŭ ư hdră êlan mkra mlih anôk bruă hră mơar, ba ƀuôn Lợt (ară anei hlăm să Đăk Hlơ) mŭt hlăm să Nghĩa An leh anăn bi mŭt kdrêč adôk mơ̆ng să Đăk Hlơ hlăm să Kông Bơ La, mkŏ mjing anôk bruă hră mơar jing să Kông Bơ La. Leh klei bi kƀĭn, čar Gia Lai srăng bi leh hră mơar mơĭt kơ gưl mâo klei dưi ksiêm dlăng, bi mklă.
Viết bình luận