VOV4.Êđê - Lŏ dơ̆ng klei kƀĭn kluôm tal 4, hruê mbruê 26/8, ti ƀuôn prŏng Ƀuôn Ama Thuôt, čar Dak Lak, Êpul gơ̆ng bruă djuê ana mơ̆ng bruă kƀĭn ala ngă leh klei êmuh phung bi ala kơ hdră klei bhiăn yua lăn (mkra mlih) srăng dưi ba mdah hlăm klei kƀĭn tal 4, bruă kƀĭn ala gưl 15.

Brei boh blŭ kơ hdră bhiăn yua lăn mkra mlih, phung bi ala knăm kơ dŭm mta phŭn djŏ tuôm ti krĭng mnuih djuê ƀiă leh anăn krĭng čư̆ čhiăng. Hlăm mmông ngă klei êmuh, phung bi ala mâo lu klei bi bi mguôp, klei hưn mdah kơ hdră bhiăn bi klă hră yua lăn dliê mkra mjing, dliê akŏ êa, dliê hrông jao kơ êpul êya yang ƀuôn, klei dưi leh anăn bruă klam mơ̆ng mnuih ƀuôn sang hŏng lăn ala, hdră bhiăn tla čiu mnơ̆ng hnuă, mdei ngă bruă leh knŭk kna hrui wĭt lăn.

Y-Ƀel pô mblang