Ti anôk mă bruă hŏng phung khua čar Kon Tum lehanăn ksiêm dlăng bruă hluê ngă ti gưl nah gŭ hlăm Anôk bruă sang čư̆ êa kdriêk Đăk Hà, Êpul ksiêm dlăng mơ̆ng Êpul hgŭm djuê ana mơ̆ng Anôk bruă kƀĭn ala mđing ksiêm dlăng, mkă tĭng djăp ênŭm bruă hluê ngă hdră mtrŭn kơ bruă knuă druh hlăm krĭng mnuih djuê ƀiă, wưng thŭn 2016 – 2023 mơ̆ng čar Kon Tum.

Y Thanh Hà Niê Kdăm, Khua hlăm Anôk bruă Đảng gưl dlông, Khua hlăm Anôk bruă kƀĭn ala, Khua Êpul hgŭm djuê ana brei thâo, mơ̆ng boh tŭ ksiêm dlăng, Êpul srăng ba mdah kơ Anôk bruă kƀĭn ala, Khua gĭt gai Anôk bruă kƀĭn ala, Knŭk kna, anôk bruă djŏ tuôm mâo hdră mtrŭn čiăng bi leh dŭm klei bhiăn kñăm hluê ngă tŭ dưn hdră ruah, mjuăt bi hriăm, čuăl mkă lehanăn ruah knuă druh mă bruă jing mnuih djuê ƀiă./.