VOV4.Êđê - Hlăm 2 hruê, hruê 25-26/8, ti ƀuôn prŏng Ƀuôn Ama Thuôt, čar Dak Lak, Êpul hgŭm djuê ana mơ̆ng bruă kƀĭn ala gưl XV bi kƀĭn kluôm tal 4 čiăng pŏk bruă phŭn kơ klei bi kƀĭn tal 4, Anôk bruă kƀĭn ala gưl XV lehanăn brei klei blŭ djŏ tuôm kơ Hdră ala čar kñăm mđĭ kyar bruă duh mkra – ala ƀuôn krĭng mnuih djuê ƀiă lehanăn krĭng čư̆ čhiăng wưng thŭn 2021-2030, hdră mlih mrâo, mđĭ hnơ̆ng tŭ mơ̆ng Êpul hgŭm djuê ana, bi trông Klei čih mkra Hdră bhiăn lăn ala (mkra mlih).

Blŭ ti knăm mphŭn pŏk, Y Thanh Hà Niê Kdăm, Khua êpul hgŭm djuê ana mơ̆ng bruă kƀĭn ala mtă kơ phung bi ala mđing bi trông, tĭng dlăng boh tŭ, hưn mdah klei dôk êdu kƀah. Mơ̆ng anăn, ba mdah hdră msir čiăng ngă jăk bruă klam hlăm wưng ti anăp, boh nik mđing kơ Hdră ala čar kñăm mđĭ kyar bruă duh mkra – ala ƀuôn krĭng mnuih djuê ƀiă lehanăn krĭng čư̆ čhiăng./.

H’ Nêč pô mblang