VOV4.Êđê - Hruê mbruê 7/10, Klei kƀĭn trông gưl dlông tal 6, gưl 13 kčưm hlăm hruê mă bruă tal 5. Ti aguah, Êpul khua bruă Đảng gưl dlông mă bruă ti anôk bi kƀĭn, bi trông kơ klei hưn mdah bruă duh mkra – ala ƀuôn, ngăn prăk knŭk kna thŭn 2022, mĭn tĭng hdră mđĭ kyar bruă duh mkra ala ƀuôn, ngăn prăk ala čar thŭn 2023 leh anăn hdră ngăn prăk ala čar hlăm 3 thŭn mơ̆ng thŭn 2023 – 2025.

Ti tlam, Êpul khua bruă Đảng gưl dlông mă bruă hŏng êpul, bi trông kơ hdră tă klei čuăl mkă kluôm ala čar wưng thŭn 2021 – 2030, hdră tă truh ti thŭn 2050. Leh kơnăn, Phŭn bruă kđi čar bi kƀĭn brei klei blŭ kơ bruă mđing hmư̆, hlăk mblang dŭm mta phŭn gưl dlông bi trông leh anăn hdră lŏ mkŏ mjing, bi kluôm ênŭm ala čar yang ƀuôn ngă phŭn Việt Nam hlăm wưng mrâo, hdră mkăp lŏ dơ̆ng mtrŭt mđĭ bruă bi mrâo mrang ala čar truh ti thŭn 2030, hdră tă truh thŭn 2045.

VOVTâyNguyên/Pô mblang: Y-Ƀel Êban