VOV4.Êđê- Hruê mbruê, 06/06, ti anôk bruă Đảng gưl dlông, êpul khua bruă Dảng gưl dlông gưl 13 mâo leh klei kƀĭn êngao hdră čiăng ksiêm dlăng, ngă klei ƀuah mkra hŏng Chu Ngọc Anh, khua hlăm bruă Đảng gưl dlông, k’iăng khua kiă bruă Đảng ƀuôn prŏng, khua hlăm êpul bruă Đảng, khua bruă sang čư êa ƀuôn prŏng Hà Nội, êlâo dih jing khua hlăm êpul bruă Đảng, khua phŭn bruă kreh knhâo leh anăn hâo hưn leh anăn Nguyễn Thanh Long, khua hlăm bruă Đảng gưl dlông, khua hlăm êpul bruă Đảng, khua phŭn bruă mdrao mgŭn. Leh ksiêm dlăng hluê si klei mtă mơ̆ng phŭn bruă kđi čar, hluê si mta phŭn, mta bruă ngă, hnơ̆ng klei hmăi kjham, phŭn agha klei ngă soh. Hluê si klei bhiăn ƀuah mkra đang viên ngă soh, êpul khua bruă Đảng gưl dlông bi klă brei kbiă mơ̆ng Đảng hŏng Chu Ngọc Anh leh anăn Nguyễn Thanh Long. Mnă kơ dŭm anôk bruă djŏ tuôm mjêč ksiêm dlăng, ƀuah mkra djŏ hŏng hdră bhiăn hŏng phung mâo klei ƀuah mkra.

Pô mblang: Y-Ƀel Êban