Tlam mbrue 10/11, ti Hà Nội, Trần Tuấn Anh, Khua anôk bruă duh mkra gưl dlông, bi ala brei kơ bruă Đảng gưl dlông, mkŏ mjing leh klei drông êpul khua bi ala Đảng Cộng sản Pê-ru. Trần Tuấn Anh lač Đảng Cộng Sản Việt Nam dlăng yuôm, lehanăn čang hmăng mâo klei mđĭ kyar amâo mâo mdei klei bi hgŭm hŏng dŭm ala čar, dŭm đảng mâo leh klei bi mguôp mơ̆ng đưm, hlăm anăn mâo Đảng Cộng sản Pê-ru tui si hƀuê ênuk, lehanăn klei tŭ dưn kơ mnuih ƀuôn sang grăp lăn čar, kyua kơ klei êđăp ênang, klei hgŭm mbĭt lehanăn klei đĭ kyar hlăm alŭ wăl lehanăn tar rŏng lăn.

Khua gĭt gai  Đảng Cộng sản Pê-ru Lu-ít Vi-gia-nu-ê-va mñă Đảng Cộng sản Pê-ru dlăng yuôm bhăn klei bi mguôp mâo leh mơ̆ng đưm, bi mguôp kjăp hŏng Đảng Cộng sản Việt Nam; ƀuăn srăng lŏ mđĭ hĭn lehanăn mâo nanao klei bi hgŭm jăk siam plah wah dua Đảng, dua lăn čar, lehanăn mnuih ƀuôn sang dua ala čar hlăm wưng tinăp./.