VOV4.Êđê - Tlam mbrue (9/3), ti sang bruă kƀĭn ala, Êpul ksiêm dlăng “bruă kƀĭn ala truăn kơ bruă hlue ngă hdră êlan, hdră bhiăn kơ bruă čuăl mkă yap mơ̆ng leh Hdră bhiăn čuăl mkă mâo klei tŭ dưn” mă leh bruă hŏng ƀuôn prŏng Hồ Chí Minh, hŏng čar Đồng Nai lehanăn čar Bình Dương hlue hŏng hdră online.

Tui si Êpul ksiêm dlăng, klei hâo mdah mơ̆ng 3 alŭ wăl, adôk mâo lu bruă bi mngač anăn jing, mkŏ mjing lehanăn ba mdah kơ khua knŭk kna bi klă klei čuăl mkă ƀuôn prŏng, čuăl mkă dua boh čar wưng thŭn 2021 – 2030 ară anei jing êmưt sơăi, ƀuôn prŏng Hồ Chí Minh ka mâo ôh klei bi klă kơ bruă mkŏ mjing klei čuăl mkă, čar Bình Dương ka ruah mơh pô kčĕ bruă čuăl mkă; čar Đồng Nai hlăk dôk mkŏ mjing; jih jang mta mtrŭn djŏ tuôm bi hrŏng ruah pô kčĕ kơ klei čuăl mkă, mta mtrŭn kơ djăp bruă mlih mkra kñăm čiăng bi djŏ guôp hŏng klei sĭt bruă dưi ngă kñăm răng kriê klei dưi mơ̆ng knŭk kna kiă kriê, tơdah lui hĕ dŭm klei čuăl mkă mnơ̆ng dhơ̆ng./.

Y-Khem pô mblang