VOV4.Êđê- Tlam hruê 2/3, Êpul ksiêm dlăng mơ̆ng anôk bruă kƀĭn ala mă leh bruă hŏng Phŭn bruă rŭ mdơ̆ng kơ bruă hluê ngă Hdră bhiăn čuăl mkă. Ti anôk mă bruă, Êpul ksiêm dlăng mơ̆ng anôk bruă kƀĭn ala tĭng dlăng adôk mâo klei êmưt hlăm bruă mkŏ mjing 2 hdră čuăl mkă anôk bruă ala čar jing: Hdră čuăl mkă ƀuôn prŏng lehanăn krĭng ƀuôn sang lehanăn Hdră čuăl mkă ksiêm dlăng bruă ba yua, mkra mjing mnơ̆ng hlăm gŭ lăn ngă mnơ̆ng yua rŭ mdơ̆ng. Hlak mblang bi mklă klei êmưt; Khua phŭn bruă rŭ mdơ̆ng Nguyễn Thanh Nghị, brei thâo: Klei kčah mtrŭn hdră bhiăn mrâo mtă kơ hdră čih mkra, hdră čuăl mkă hluê hdră brei mâo klei bi mguôp mđrăm mbĭt mơ̆ng dŭm phŭn, dhar bruă. K’iăng khua anôk bruă kƀĭn ala Nguyễn Đức Hải mtă kơ Phŭn bruă rŭ mdơ̆ng brei lŏ dơ̆ng ksiêm dlăng, mâo klei hlak mblang klă klơ̆ng dŭm bruă mâo êpul ksiêm dlăng ba mdah, hlăm anăn mđing bi leh 2 hdră čuăl mkă anôk bruă ala čar čiăng ba mdah kơ Khua knŭk kna bi mklă hlăm mlan 12 thŭn anei./.

                                                    Pô mblang: H’Nêč Êñuôl