VOV4.Êđê- Aguah hruê 2/3, ti sang bruă kƀĭn ala, Êpul ksiêm dlăng mơ̆ng anôk bruă kƀĭn ala kơ “Bruă hluê ngă hdră mtrŭn, hdră bhiăn kơ hdră čuăl mkă mơ̆ng leh Hdră bhiăn Čuăl mkă mâo boh tŭ hluê ngă” mâo K’iăng khua anôk bruă kƀĭn ala Nguyễn Đức Hải ngă khua êpul mâo leh mmông mă bruă hŏng Phŭn bruă Tuh tia mnia mblei. Ti anôk mă bruă, Êpul ksiêm dlăng mtă kơ Phŭn bruă tuh tia mnia mblei mđing hluê ngă bi leh 5 hdră čuăl mkă bruă ala čar, boh nik hdră čuăl mkă pui kmlă 8. Êpul ksiêm dlăng mtă brei bi mklă dŭm mta klei mgrơ̆ng hlăm hdră čuăl mkă djŏ tuôm kơ bruă tuh tia mnia mblei ăt msĕ mơh hnơ̆ng tŭ dŭm hdră čuăl mkă, mbĭt anăn tĭng dlăng, mkra mlih dŭm klei čuăl mkă hŏng hdră čiăl mkă mkăn mơ̆ng ala čar, kyua ka mâo djăp klei mgrơ̆ng. K’iăng khua anôk bruă kƀĭn ala Nguyễn Đức Hải mtă kơ Phŭn bruă tuh tia mnia mblei ksiêm dlăng, mâo klei hlak mblang klă klơ̆ng dŭm bruă mâo Êpul ksiêm dlăng kčah mtrŭn./.

Pô mblang: H’Nêč Êñuôl