Thŭn 2023, bruă mtăp mđơr êkei mniê lŏ mâo leh klei mđin uêñ mơ̆ng dŭm gưl, dhar bruă alŭ wăl ti čar Daklak lehanăn mâo ba wĭt leh lu klei tŭ dưn jăk. Jih jang ênoh čuăn kơ klei mtăp mđơr, mâo leh klei đĭ kyar mkă hŏng thŭn 2022, boh nik ênoh čuăn kơ klei hriăm mjuăt, bi kdơ̆ng hŏng klei ngă jhat hlăm găp djuê. Knơ̆ng bruă sang čư̆ êa čar Daklak mđĭ hĭn leh klei hâo hưn, mjuăt bi hriăm hdră êlan mơ̆ng Đảng, hdră êlan knŭk kna kơ djuê ana, klei bhiăn bi dôk ung mô̆, lehanăn klei hdĭp hlăm găp djuê, boh mơ̆ng klei bi dôk ung mô̆ mơ̆ng mda, klei bi dôk anak amiêt awa sa thung k’ŭt, mkŏ mjing klei bhiăn kơ klei hdĭp hlăm găp djuê pioh ba yua hlăm alŭ wăl, hlue ngă jăk mta mtrŭn kơ klei bi dôk ung mô̆, klei bi lui ung mô̆, bruă klam mơ̆ng amĭ ama leh bi lui ung mô̆.

Nguyễn Thị Kim Thúy, K'iăng khua anôk bruă kơ klei hdĭp yang ƀuôn mơ̆ng bruă kƀĭn ala, ñu mâo leh klei čih pioh, lehanăn bi myuôm dŭm boh tŭ dưn čar Daklak mâo leh, lehanăn mtă kơ čar mâo dŭm hdră klă mngač hĭn čiăng ngă dŭm hdră êlan, klei bhiăn kơ klei mtăp mđơr êkei mniê, kơ klei bhiăn bi dôk ung mô̆ lehanăn klei hdĭp hlăm găp djuê./.