Hluê si klei klah čŭn, Anôk kriê dlăng bruă Đảng čar Dak Lak mkŏ mjing leh hdră hyuă kjăp, ksiêm dlăng, pŏk ngă Hdră mtrŭn, Asăp mtrŭn, Klei klah čŭn mơ̆ng Gưl dlông, ba mdah dŭm mta hră mơar gĭt gai dŭm anôk bruă, êpul êya pŏk ngă kjăp bruă hluê ngă Hdră mtrŭn mrô 18, Klei klah čŭn 121, Asăp mtrŭn 35, hdră mtrŭn 57, Klei klah čŭn 123 lehanăn dŭm klei klah čŭn djŏ tuôm mơ̆ng Gưl dlông.

Anôk kriê dlăng bruă Đảng čar pral mprăp dŭm bruă kơ Klei bi kƀĭn bruă Đảng dŭm gưl,. Mprăpmnuih mă bruă dưi hluê ngă kjăp, mđing răng, djŏ klei bhiăn, djŏ hdră êlan mtrŭn mơ̆ng Gưl dlông, rơ̆ng klei lŏ čuê lehanăn đĭ kyar. Anôk kriê dlăng bruă Đảng čar Dak Lak ăt mđing gĭt gai, hluê ngă hdră mkŏ wĭt Anôk bruă hluê Hdră mtrŭn 18; mtrŭt mđĭ hdră ba yua kdrăp mrâo, mlih mrâo lehanăn mluih mrô. Mta kñăm đĭ kyar thŭn 2025 mâo mkra mđĭ truh 8% jing djŏ guôp hŏng klei čiăng mơ̆ng Gưl dlông./.