Khua gĭt gai Đảng Tô Lâm čih yap klei gĭr mơ̆ng anôk bruă ksiêm dlăng Knŭk kna leh anăn kluôm bruă ksiêm dlăng hlăm klei hlue ngă drông mnuih ƀuôn sang, msir mgaih hră mơar kčŭtt hưn hlăm wưng êgao. Êdah êdi, jing mơ̆ng akŏ wưng truh ară anei, bruă ksiêm dlăng msir mgaih leh lu bruă, drông leh giăm 9000 gưl mnuih ƀuôn sang hŏng êbeh 8000 klei leh anăn giăm 1000 êpul mnuih ƀuôn sang; tŭ mă, msir mgaih giăm 48 êbâo hră mơar mnuih ƀuôn sang, ksiêm dlăng, bi hgŭm msir mgaih êbeh 1000 klei klei kčŭt hưn, kčŭt hưn lu mnuih, sui; mơ̆ng anăn, lŏ dơ̆ng rơ̆ng klei dưi kơ lu mnuih, êpul bruă djŏ tuôm.

Mñă klă, hlăm wưng kơ anăp Đảng, Knŭk kna srăng pŏk ngă sa blư̆ lu hdră êlan prŏng, hdră bruă phŭn, mjing tur kjăp kơ lăn čar đĭ kyar, boh nik mprăp bi jăk Klei bi kƀĭn Đảng dŭm gưl, nao truh kơ Klei bi kƀĭn Đảng kluôm ala tal 14; kyua anăn, bruă msir mgaih klei kčŭt hưn brei mâo mđing dlăng hĭn.