Khua gĭt gai Đảng mñă Việt Nam dlăng Mi jing ƀĭng hgŭm phŭn yuôm bhăn, hlăm anăn, hdră bi hgŭm bruă duh duh mkra, mnia mblei, duh bi liê, kdrăp mrâo, kreh knhâo jing tur knơ̆ng lehanăn boh kdrŭt đru mđĭ klei bi mjĕ dua nah, čang hmăng mbĭt hŏng Mi lŏ dơ̆ng pŏk ngă kjăp Klei bi mjĕ ƀĭng hgŭm phŭn kluôm dhuôm ƀrư̆ hruê ƀrư̆ klă sĭt, hlăm anăn lŏ dơ̆ng mtrŭt mđĭ bruă duh duh mkra, mnia mblei, duh bi liê đĭ kyar hơĭt kjăp, kyua klei tŭ dưn mơ̆ng mnuih ƀuôn sang lehanăn anôk bruă duh mkra dua ala čar; đru mguôp hlăm klei êđăp ênang, hơĭt kjăp, hgŭm bruă lehanăn đĭ kyar ti krĭng wăt hlăm tar rŏng lăn.

Khua gĭt gai Đảng mñă klei đĭ kyar hlăm klei bi mjĕ Việt Nam – Mi hmăi truh kơ hdră mđĭ kyar klei bi mjĕ mơ̆ng Mi hŏng ASEAN, mtă kơ Êpul hgŭm bruă Mnia mblei Mi – ASEAN hrăm mbĭt hŏng dŭm ala čar ASEAN, mtrŭt mđĭ klei bi hgŭm mguôp, hgŭm bruă lehanăn đĭ kyar hơĭt kjăp ti krĭng ASEAN./.