Blŭ hlăm klei kƀĭn trông, Khua bruă kƀĭn ala Trần Thanh Mẫn mñă ktang, hdră mtrŭn mrô 57 mdưm mta kñăm truh thŭn 2030, Việt Nam dôk hlăm êpul 3 ala čar ba anăp Ngŏ Dhŭng Asi, top 50 ala čar ba anăp tar rŏng lăn kơ ai dưi mlih mrô leh anăn ênoh mrô đĭ kyar knŭk kna điện tử. Truh thŭn 2045, Việt Nam dôk hlăm top 30 ala čar ba anăp tar rŏng lăn kơ klei mlih mrâo mbruă, mlih mrô, mta kñăm truh thŭn 2030 hnơ̆ng bruă duh mkra mrô mâo êbeh 30% GDP leh anăn đĭ 50% hlăm thŭn 2045.

Mñă ktang, hŏng klei gĭr mơ̆ng bruă kđi čar leh anăn jih jang mnuih ƀuôn sang, Việt Nam mâo klei găl dưi mâo boh tŭ dưn hlăm bruă anei, kyua klei đĭ kyar hơĭt kjăp mơ̆ng gŏ sang, yang ƀuôn, kyua klei đĭ kyar lăn čar leh anăn djuê ana. Khua Bruă Kƀĭn Ala đăo knang, hŏng klei gĭr, klei jhŏng leh anăn klei thâo mĭn, dŭm anôk bruă Bruă Kƀĭn Ala srăng mâo dŭm knhuang đĭ kyar yuôm bhăn hlăm bruă mkŏ mjing Bruă Kƀĭn Ala mrô, đru mguôp klă klơ̆ng hlăm klei đĭ kyar prak leh anăn hơĭt kjăp mơ̆ng lăn čar.