110 čô hđeh dưi mđup brei hră pah mni hđeh thâo gưt mơ̆ng Awa Hồ gưl čar ti Dak Lak jing dŭm gru hmô mă bruă jăk, thâo hriăm hră, thâo gưt, kreh kriăng, leh anăn jing phung thâo mbruă điêt, bi ala kơ êbeh 300 êbâo čô đội viện, phung hđeh hlăm kluôm čar.

Diñu bi hur har bi lông ktưn, mjuăt pô mâo lu boh tŭ dưn hlăm dŭm hdră bruă, đru mkŏ mjing hdră hđeh điêt, anôk hlăp lêñ kơ phung hđeh leh anăn đru kơ phung ƀĭng găp mâo klei hdĭp dleh dlan hŏng ai dưi điêt mơ̆ng pô. Nao hlăm klei kƀĭn kluôm Hđeh thâo gưt mơ̆ng Awa Hồ čar Dak Lak gưl tal 11, phung hđeh dưi nao hgŭm hlăm dŭm mta bruă msĕ: nao čuă Bia Nam tiến leh anăn hưn klei thâo hŏng awa, nao čuă amĭ Việt Nam jhŏng ktang, mjĕ mjuk Phung hđeh Dak Lak bi mguôp, thâo gưt asăp ti Anôk bruă đru mđĭ kyar klei ñŭ kma phung hđeh amâo mâo jăk asei mlei, ngă hdră phung hđeh hơ̆k mơak, êđăp ênang, hriăm êbâo bruă jăk.