Ngă jăk bruă thâo klă klei mĭn phung mniê mơ̆ng nah gŭ čiăng hmao đru kčĕ, hluê ngă tŭ dưn dŭm hdră bruă. Anei jing mta phŭn dưi bi trông hlăm klei kƀĭn trông kah mbha klei hriăm, đru kčĕ hdră êlan hlăm bruă thâo klă boh sĭt klei mĭn phung mniê ti nah tŭ thŭn 2025 mkŏ mjing tlam mbruê 21/3 ti čar Dak Lak.5 thŭn êgao, dŭm gưl bruă phung mniê ti čar Dak Lak dưi ngă tŭ jing êbeh 2000 hdră bruă djŏ tuôm hŏng phung mniê, phung hđeh, pŏk mlar êbeh 300 klei bi hmô, êpul hgŭm bruă ngă bruă tŭ dưn.

Hluê anăn mtrŭt mjhar phung mniê bi mrâo klei hưn leh anăn klei wĭt lač yang ƀuôn, djŏ klă, đru mkŏ mjing alŭ ƀuôn dhar kreh. Hlăm klei kƀĭn trông, phung bi ala ktrâo klă mbah hâo hưn čiăng hmao ƀuh hnưm dŭm boh klei mrâo msĕ si dŭm klei amâo thâo bi djŏ, amâodah mta phŭn ngă truh klei amâo mâo hơĭt. Mơ̆ng anăn bi êdah dŭm hdră êlan gang mkhư̆, ksiêm dlăng, gang mkhư̆ dŭm klei hưn soh, amâo mâo djŏ hmăi amâo mâo jăk hŏng phung mniê.