Khua knŭk kna Phạm Minh Chính mñă, Việt Nam dlăng yuôm klei bi mguôp mâo leh mơ̆ng đưm plah wah Việt Nam – Russia, mơak ƀuh klei đĭ kyar klei bi hgŭm dua ala čar hlăm djăp mta, boh nik klei duh mkra mnia mblei, bruă dhar kreh, hiu čhưn ênguê. Snăn mơ̆ng klei khua kiă kriê Tatarstan truh Việt Nam jing lŏ hyuă kjăp hĭn klei bi hgŭm dua nah, lehanăn hŏng dŭm alŭ wăl ti Việt Nam, čiăng kơ klei bi hgŭm Việt Nam – Russia nao hlăm klei kluôm dhuôm hĭn.

Khua knŭk kna Phạm Minh Chính čang hmăng hơ ala čar Tatarstan jih ai tiê hgŭm mbĭt hŏng dŭm alŭ wăl ti Việt Nam, boh nik jing klei bi mguôp mnuih ƀuôn sang, bi mjĕ êrô mnuih ƀuôn sang dua nah./.