Khua gĭt gai Đảng Tô Lâm bi myuôm hdră “Bi tuôm phung hriăm gưl prŏng Việt Nam – China hlăm dŭm gưl ênuk”, jing wưng bi êdah klei bi mguôp jăk  Việt nam – China mơ̆ng phung hriăm gưl prŏng jing bruă bi êdah klă kơ klei mlih mrâo mđĭ kyar mơ̆ng grăp Đảng, grăp ala čar lehanăn klei bi mguôp djuê ana ayŏng adei.

Mơ̆ng klei yuôm anăn,. Khua gĭt gai Đảng Tô Lâm mâo leh klei blŭ hŏng phung êdam êra thâo kơ hƀuê ênuk, klei bi mguôp kjăp dua ala čar Việt Nam – China, mâo kơhưm lehanăn klei đua klam atăt dua ala čar čhuang nao hlăm wưng mrâo. Mbĭt hŏng anăn, êdam êra dua ala čar lŏ mđing hĭn kơ klei hriăm mjuăt, kpưn đĭ jing pô kiă kriê klei kreh knhâo, mđĭ kyar ênuk mrâo, jing êpul duh mkra knhăk ti grăp ala čar, lŏ dơ̆ng mjing atur kjăp kơ klei bi mguôp dua ala čar./.