Blŭ hrăm hlăm mmông mă bruă, k’iăng Khua knŭk kna Bùi Thanh Sơn bi yuôm klei gĭr mkŏ mjing hdră tă đĭ kyar mơ̆ng čar Gia Lai leh anăn Kon Tum, ƀiădah dŭm klei čiăng srăng dưi ngă, kñăm kơ ti anăp leh anăn wưng sui. Dŭm alŭ wăl čiăng čŏng pô bi mguôp hŏng dŭm phŭn, dhar bruă čiăng ruh mgaih klei dleh dlan dŭm hdră dôk mâo, boh nik hlăm bruă pui kmlă.

K’iăng Khua knŭk kna ktrâo klă dŭm boh kdrŭt knhuah gru msĕ si bruă lŏ hma, mnơ̆ng hlăm dliê, dhar kreh, hiu čhưn ênguê čiăng dưi bi lar. Hlăm bruă lŏ hma, dua čar čiăng mtrŭt mđĭ dưn yua kdrăp mrâo mrang čiăng mđĭ hnơ̆ng tŭ jăk mnơ̆ng dhơ̆ng, boh nik hŏng sâm Ngọc Linh mơ̆ng Kon Tum čiăng mđing truh mkŏ mjing bruă ana êa drao msĕ si klei bi hmô mơ̆ng Dhŭng Korea. K’iăng Khua knŭk kna mñă kơ čar Gia Lai leh anăn Kon Tum mâo klei gĭr, mâo hdră êlan, bi mguôp kjăp hŏng dŭm phŭn, dhar bruă čiăng găn klei dleh dlan, bi lar klei găl mâo, rơ̆ng kơ klei êđăp ênang leh anăn đĭ kyar hơĭt kjăp.