Hlăm klei bi tuôm, k’iăng Khua knŭk kna Nguyễn Đức Hải kah mbha dŭm klei hriăm mơ̆ng Việt Nam hlăm mđĭ kyar bruă lŏ hma, mkŏ mjing klei bi hmô OCOP (grăp ƀuôn sa mnơ̆ng dhơ̆ng) leh anăn mñă kơ Sri Lanka tiŏ nao êpul truh ti Việt Nam bi trông klă hĭn kơ bruă anei.

Dua tĭng tŭ ư mđĭ hĭn klei bi trông êpul, boh nik jing gưl dlông, mtrŭt mđĭ klei mjĕ mjuk mnuih ƀuôn sang, mkŏ mjing dŭm mta bruă klă klơ̆ng bi hdơr 55 thŭn mkŏ mjing klei mjĕ giăm. Dua tĭng ăt bi tŭ ư lŏ dơ̆ng hluê ngă dŭm klei kuôl kă bi klă, pŏk mlar klei bi mguôp, mjĕ mjing plah wah dŭm alŭ wăl, mtrŭt mđĭ klei bi mguôp dhar kreh, sang hră mơar, hiu čhưn ênguê, klei đăo yơng, mtrŭt mjhar phung hriăm gưl prŏng Sri Lanka hriê hriăm ti Việt Nam.