Khua lăn čar Lương Cường bi mni, čih yap kơ boh tŭ leh anăn bruă ngă jih ai tiê hŏng klei gĭr mơ̆ng bruă Đảng, bruă sang čư̆ êa, lĭng kahan leh anăn mnuih ƀuôn sang hlăm čar Hưng Yên mâo leh hlăm wưng êgao.

Mñă klă hlăm wưng kơ anăp, mơ̆ng ară anei truh jih thŭn 2025 mâo lu bruă klam yuôm bhăn, hlăm anăn mâo klei bi kƀĭn prŏng mơ̆ng lăn čar, mbĭt anăn jing thŭn knhal tuč đĭ kyar, bi leh hnơ̆ng kčah Hdră mtrŭn Klei bi kƀĭn XIII mơ̆ng Đảng, Khua lăn čar mta kơ bruă Đảng čar, Anôk dlăng bruă Đảng čar brei lŏ dơ̆ng ksiêm dlăng dŭm hdră msir, bruă klam, mđĭ lar klei găl čiăng kơ Hưng Yên đĭ kyar pral, kjăp hlăm djăp mta bruă, boh nik ba anăp hlăm bruă hlue ngă dŭm boh phŭn mâo ksiêm dlăng.