Lê Trọng Yên, k’iăng khua knơ̆ng bruă sang čư̆ êa čar Daknông lač, čar mâo hnơ̆ng bô-xít prŏng lehanăn lu phung duh mkra mâo leh hră mơar akâo mă bruă mă lehanăn mkra mjing bô-xít hŏng ênoh bi liê jing prŏng. Čiăng dưi mâo klei mđĭ kyar anei, čar daknông akâo kơ gưl mâo klei dưi ksiêm dlăng pŏk hdră êlan tă êlan êdeh treng anei.

Hlăm anăn Daknông lŏ akâo mkŏ mjing êlan êdeh treng Dak Nông - Chơn Thành (Bình Phước) hlŏng mkŏ hŏng êlan êdeh treng hluh Asi trŭn nao truh kơ kdrŭn Thị Vải, pioh kơ klei dŭ ba alumin, ksueh leh mkra mjing. Hlăm anăn, čar akâo ksiêm bruă tă êlan êdeh treng Dak Nông - Lâm Đồng - Bình Thuận dôk hlăm hdră êlan êlan êdeh treng ala čar. Jih jang êlan êdeh treng anei  đru hlăm bruă dŭ mdiăng boh mnga bruă lŏ hma, lehanăn dŭm mta mnơ̆ng mkăn, đru mđĭ kyar bruă duh mkra ala ƀuôn hlăm alŭ wăl lehanăn dŭm čar riêng gah./.