Mmăt 18/3, bruă Đoàn êdam êra Cộng sản Hồ Chí Minh gưl dlông mkŏ mjing leh Knăm bi hdơr 94 thŭn Hruê mkŏ mjing bruă Đoàn êdam êra Cộng sản Hồ Chí Minh lehanăn jao klei pah mni Lý Tự Trọng thŭn 2025. Blŭ ti knăm anei, Nguyễn Trọng Nghĩa – Khua Anôk bruă kiă kriê klei hâo hưn – đru čung ba mnuih ƀuôn sang gưl dlông mtă kơ ênuk gưl hđeh brei jing êpul ba akŏ hlăm bruă ksiêm dlăng, ba yua lehanăn mđĭ kyar kdrăp kreh knhâo – mrâo mrang.

Nguyễn Trọng Nghĩa mtă kơ bruă Đoàn êdam êra Cộng sản Hồ Chí Minh brei mđing kơ bruă mjuăt bi hriăm knhuah gru cách mạng, knhuah hdĭp kơ ênuk gưl hđeh, lar bra ai tiê čŏng pô kpưn đĭ, ktưn hưn djuê ana lehanăn klei čang hmăng duh myơr kơ ala čar; mđĭ lar ai ktang – bruă klam mơ̆ng phung êdam êra hlăm hdră răng mgang tur knơ̆ng, klei mĭn mơ̆ng Đảng; bi kdơ̆ng hŏng dŭm klei mĭn soh čhuai, bi roh; mkŏ mjing êpul knuă druh mâo klei thâo knhuah jăk. Ti knăm anei, 100 čô bruă đoàn êdah êdi dưi bi mni lehanăn jao klei pah mni Lý Tự Trọng. Anei jing phung khua bruă Đoàn jih ai tiê kơ bruă, mĭn mrâo čiăng pŏk ngă tŭ dưn hdră bruă đoàn lehanăn hdră êdam êra./.