Hrue mbrue 20/3, ti anôk bruă Đảng gưl dlông, Khua gĭt gai Đảng Tô Lâm drông leh khua bi ala nah dlông bruă kƀĭn ala Mi Steven David Daines. Ti anôk drông, khua gĭt gai Đảng Tô Lâm mâo klei mơak drông Steven Daines gưl tal êlâo hriê čhưn ti  Việt Nam, lehanăn lač klei hriê čhưn anei jing yuôm bhăn, hyuă kjăp klei bi hgŭm Việt Nam – Mi mâo klei đĭ kyar jăk.

Khua gĭt gai Đảng lač, Mi jing sa hlăm dŭm ala čar hgŭm yuôm bhăn hŏng Việt Nam, bi mni kơ Mi mâo nanao hdră êlan hgŭm hŏng Việt Nam, sa ai hŏng Việt Nam “ktang, êngiê, čŏng pô mđĭ kyar mdrŏng sah”. Khua gĭt gai bi êdah hdră êlan kñăm čiăng hyuă kjăp hĭn klei bi mguopp dua nah hlăm wưng tinăp, anăn jing: Klei duh mkra mnia mblei, lehanăn klei duh bi liê, jing kmeh gơ̆ng yuôm bhăn kơ klei bi hgŭưm dua nah, lŏ dơ̆ng bi đru mghaih msir boh mơ̆ng klei bi blah, pŏk phai klei găl mơ̆ng Mi duh bi liê ti Việt Nam dôk mâo klei čiăng msĕ si bruă: kreh knhâo kdrăp mrâo, bruă mlih mrâo, bruă pui kmlă, bruă êa drao, lehanăn bruă lŏ hma./.